ປະທານປະເທດຮ່ວມເປີດງານມະຫະກຳບຸນຊ້າງ ໄຊຍະບູລີ ແລະ ປີທ່ອງທ່ຽວລາວ 2018

  20-02-2018


19.02.2018 8:53     

ພິທີເປີດງານມະຫະກຳບຸນຊ້າງ ແລະ ປີທ່ອງທ່ຽວລາວ 2018 ຂອງແຂວງໄຊຍະບູລີ ໄດ້ຈັດຂຶ້ນ ໃນຕອນເຊົ້າຂອງວັນທີ 17 ກຸມພາ ຜ່ານມານີ້ ທີ່ເດີ່ນສະໜາມຫຼວງຂອງແຂວງ ເປັນກຽດເຂົ້າ ຮ່ວມ ແລະ ລັ່ນຄ້ອງເປີດງານຂອງທ່ານ ບຸນຍັງ ວໍລະຈິດ ເລຂາທິການໃຫຍ່ ຄະນະບໍລິຫານງານ ສູນກາງພັກ ປະທານປະເທດ, ມີທ່ານ ພົງສະຫວັນ ສິດທະວົງ ກຳມະການສູນກາງພັກ ເລຂາ ພັກແຂວງ ເຈົ້າແຂວງ ໄຊຍະ ບູລີ, ມີບັນດາຄະນະພັກ - ຄະນະນຳຂອງແຂວງ, ພະເຖ ລານຸເຖລະ, ມີບັນດາຜູ້ຕາງ ໜ້າຈາກແຂວງຕ່າງໆ, ກະຊວງ, ກົມກອງທີ່ກ່ຽວຂ້ອງ, ແຂກ ພາຍໃນ ແລະ ຕ່າງປະເທດ ພ້ອມດ້ວຍປະຊາຊົນຊາວ ແຂວງໄຊຍະບູລີ ເຂົ້າຮ່ວມຢ່າງ ເປັນຂະບວນຟົດຟື້ນ. ທ່ານ ຍັນຍົງ ສີປະເສີດ ຮອງເຈົ້າແຂວງໄຊຍະບູລີ ປະ ທານຈັດງານມະຫະກຳບຸນຊ້າງ ປະຈຳປີ 2018 ໄດ້ໃຫ້ຮູ້ວ່າ: ເພື່ອເສີມຂະຫຍາຍວັດທະນະ ທຳ, ຮີດຄອງປະເພນີ ທີ່ເປັນ ເອກະລັກໃນແບບວິຖີການດຳ ລົງຊີວິດຂອງປະຊາຊົນລາວ ບັນດາເຜົ່າທີ່ຕິດພັນກັບຊ້າງ, ຖືເອົາຊ້າງເປັນມູນມໍລະດົມທີ່ ລ້ຳຄ່າຂອງຊາດມາແຕ່ບູຮານ ນະການ ແລະ ເພື່ອສ້າງຈິດສຳ ນຶກໃຫ້ຄົນຮຸ່ນໃໝ່ໄດ້ມີຄວາມ ຮັບຮູ້ກ່ຽວກັບຊ້າງຫຼາຍຂຶ້ນ, ເພາະຊ້າງເປັນສັດໃຫຍ່, ເປັນ ສັດຄຳຮູ້, ສາມາດເຂົ້າໃຈ ແລະ ຮັບຟັງຄຳສັ່ງຂອງຜູ້ເປັນເຈົ້າ ຂອງເປັນຢ່າງດີ. ສະນັ້ນ, ຈຶ່ງມີ ຄວາມຈຳເປັນຢ່າງຍິ່ງ ທີ່ສັງຄົມ ລາວຂອງພວກເຮົາຄວນຮັບຮູ້ ກ່ຽວກັບການອະນຸລັກຮັກສາ ແລະ ຫວງແຫນຊ້າງໃຫ້ຍືນຍົງ ຢູ່ຄູ່ກັບປະຊາຊົນລາວ ຕະຫຼອດ ໄປ ໃຫ້ສົມກັບທີ່ປະເທດເຮົາ ຖືກຂະໜານນາມວ່າເປັນດິນ ແດນລ້ານຊ້າງ, ນອກຈາກເປັນ ການອະນຸລັກຊ້າງແລ້ວ, ຍັງເປັນ ການຊຸກຍູ້ສົ່ງເສີມວຽກງານ ການທ່ອງທ່ຽວຂອງແຂວງໄຊ ຍະບູລີ ກໍຄື ສປປ ລາວ ໃຫ້ເປັນ ທີ່ຮັບຮູ້ຢ່າງກວ້າງຂວາງຈາກ ນັກທ່ອງທ່ຽວທັງພາຍໃນ ແລະ ຕ່າງປະເທດ, ສະເພາະງານມະ ຫະກຳບຸນຊ້າງ ແລະ ປີທ່ອງ ທ່ຽວລາວ ປີ 2018 ນີ້ ໂດຍມີ ກິດຈະກຳທີ່ຫຼາກຫຼາຍສີສັນ ໂດຍສະເພາະແມ່ນມີຕະຫຼາດ ນັດວາງສະແດງ ແລະ ຈຳໜ່າຍ ສິນຄ້າຂອງ 11 ເມືອງ, ບັນດາ ບໍລິສັດຜູ້ອຸປະຖຳ, ການວາງສະ ແດງສິນຄ້າໂອດ໋ອບພາຍໃນ ແຂວງ, ຕ່າງແຂວງ ແລະ ຕ່າງ ປະເທດ ຜູ້ປະກອບການທຸລະ ກິດພາຍໃນປະເທດ ແລະ ຕ່າງ ປະເທດ ລວມທັງໝົດ 219 ຮ້ານ, (ໃນນີ້ ຜູ້ປະກອບການທຸ ລະກິດພາຍໃນປະເທດ ຈຳ ນວນ 176 ຫ້ອງ, ຕ່າງປະເທດ 15 ຫ້ອງ, ຕ່າງແຂວງ 2 ຫ້ອງ, ບັນດາເມືອງ 11 ຫ້ອງ, ສິນຄ້າ ໜຶ່ງເມືອງໜຶ່ງຜະລິດຕະພັນ 10 ຫ້ອງ ແລະ ຜູ້ອຸປະຖຳຈຳນວນ 5 ຫ້ອງ), ຊຶ່ງເລີ່ມແຕ່ວັນທີ 16 ຈົນຮອດວັນທີ 22 ກຸມພາ 2018. ນອກນີ້ ຍັງມີກິດຈະກຳ ການຄົບງັນຕະຫຼອດໄລຍະ ຂອງການຈັດງານບຸນ, ມີການ ຂີ່ຊ້າງອ້ອມເມືອງໄຊຍະບູລີ, ມີ ພິທີຕັກບາດຕາມຮີດຄອງປະ ເພນີ, ພິທີບາສີສູ່ຂວັນຊ້າງ, ມີ ຂະບວນແຫ່ງຂອງຊ້າງຈຳນວນ 69ໂຕປະສານສຽງ ເປົ່າສະໄນ, ຂະບວນລົດແຫ່ສະແດງເຖິງ ວັດທະນະທຳຂອງ 11 ເມືອງ, ຂະບວນສະແດງຂອງ 8 ເຜົ່າ, ຊົມການສະແດງຂອງຊ້າງຄຳ ຮູ້ 36 ລາຍການ ແລະ ການ ປະກວດພາອາຫານບຸບເຟ ຊ້າງ, ຈາກນັ້ນ ທ່ານ ພົງສະ ຫວັນ ສິດທະວົງ ເຈົ້າແຂວງໄຊ ຍະບູລີ ກໍໄດ້ໃຫ້ກຽດຂຶ້ນກ່າວ ເປີດງານຢ່າງເປັນທາງການ, ທ່ານໄດ້ກ່າວວ່າ: ງານມະຫະ ກຳບຸນຊ້າງຕິດພັນກັບການ ເປີດປີທ່ອງທ່ຽວລາວ ປີ 2018 ໄດ້ນຳເອົາຄວາມສາມັກຄີຮັກ ແພງອັນອົບອຸ່ນ, ໄມຕີຈິດມິດ ຕະພາບມາສູ່ງານມະຫະກຳ ບຸນຊ້າງໃນຄັ້ງນີ້ ຊຶ່ງເປັນການ ສົ່ງເສີມມູນເຊື້ອວັດທະນະທຳ ອັນດີງາມ ທັງເປັນການສືບຕໍ່ ເຜີຍແຜ່ ແລະ ປູກຈິດສຳນຶກ ໃຫ້ແກ່ອະນຸຊົນຄົນຮຸ່ນຫຼັງ ໃນ ການອະນຸລັກຊ້າງໃຫ້ມີຄວາມ ຍືນຍົງຄຽງຄູ່ກັບຊີວິດຂອງປະ ຊາຊົນບັນດາເຜົ່າ ຊາວແຂວງ ໄຊຍະບູລີ ກໍຄືຂອງຊາດລາວ ໂອກາດດັ່ງກ່າວ ທ່ານ ບຸນຍັງ ວໍລະຈິດ ໄດ້ລັ່ນຄ້ອງ 9 ບາດ, ຕັດແຖບຜ້າ - ປ່ອຍປຸ່ມເປົ້າ ເປີດປ້າຍງານມະຫາກຳບຸນ ຊ້າງ ແລະ ປີທ່ອງທ່ຽວລາວ ຢ່າງເປັນທາງການ ແລະ ເຂົ້າ ຊົມຮ້ານຄ້າຜະລິດຕະພັນໂອ ດ໋ອບຕື່ມອີກ. (ຂ່າວ: ຫ້ອງວ່າການ ແຂວງ ໄຊຍະບູລີ)